ALE Solution for the Hospitality Industry at The Biltmore Tbilisi

Alcatel-ის გადაწყვეტილება სასტუმრო ინდუსტრიისთვის – The Biltmore Tbilisi

კავშირის სისტემების, Wi-Fi-სა და სასტუმრო სერვისების კომპლექსური განახლება

InfoTel Group-მა, კორპორატიული კომუნიკაციებისა და ქსელური გადაწყვეტილებების წამყვანმა კომპანიამ, წარმატებით დაასრულა ფართომასშტაბიანი პროექტი ხუთვარსკვლავიანი სასტუმრო The Biltmore Tbilisi-ს IT ინფრასტრუქტურის მოდერნიზაციისთვის. სასტუმრო მდებარეობს საქართველოს დედაქალაქში და წარმოადგენს საკულტო ნაგებობას, რომელიც მაღალი დონის მომსახურებას სთავაზობს მომთხოვნ სტუმრებს, რომელთათვის ტექნოლოგიის საიმედოობა და ხარისხი უმნიშვნელოვანესია.

პროექტის განხორციელებისთვის აუცილებელი იყო ისეთი ტექნოლოგიური პლატფორმის შერჩევა, რომელიც უზრუნველყოფდა სასტუმროს მთელი ციფრული ეკოსისტემის უწყვეტ მუშაობას. სწორედ ამიტომ იქნა არჩეული Alcatel-Lucent Enterprise (ALE). როგორც გლობალური ლიდერი სასტუმრო ინდუსტრიის კომპლექსურ გადაწყვეტილებებში, ALE პრემიუმ კლასის სასტუმროებისთვის სთავაზობს თანამედროვე და ინოვაციური გადაწყვეტილებების ფართო არჩევანს, რომელიც მოიცავს შემდეგ უპირატესობებს:

• მაღალი წარმადობის Wi-Fi ინფრასტრუქტურა უზრუნველყოფს სწრაფ და საიმედო კავშირს სტუმრების ყველა მოწყობილობისთვის სასტუმროს მთელ ტერიტორიაზე, რაც ციფრული სერვისებით შეუფერხებლად სარგებლობის შესაძლებლობას იძლევა;
• ერთიანი ციფრული გამოცდილება ყველა მოწყობილობაზე: სტუმრებს შეუძლიათ სასტუმროს სერვისებზე, გართობასა და მომსახურებაზე წვდომა როგორც მობილური მოწყობილობებიდან, ისე ნომერში განთავსებული ტელეფონებიდან, რაც ზრდის კმაყოფილებასა და ლოიალობას;
• ციფრული სასტუმრო სერვისებისა და აპლიკაციების მხარდაჭერა: ALE გადაწყვეტილებები იძლევა ვირტუალური eConcierge-ის, მობილური სერვისებისა და პერსონალიზებული შეთავაზებების დანერგვის საშუალებას, რაც კონკურენტულ უპირატესობას ქმნის;
• ქსელის სტაბილურობა და უსაფრთხოება შეესაბამება მონაცემთა დაცვისა და უსაფრთხო კავშირის უახლეს სტანდარტებს, რაც ხელს უწყობს სტუმრების ნდობის გაძლიერებას.

ამ ყველა უპირატესობის წყალობით, ALE პლატფორმა წარმოადგენს მყარ ტექნოლოგიურ საფუძველს, რომელიც უზრუნველყოფს უმაღლესი დონის სტუმართმოყვარეობას და სასტუმროს ქსელური ინფრასტრუქტურის ეფექტურ მართვას.

Alcatel-Lucent Enterprise არ არის მხოლოდ Wi-Fi გადაწყვეტილებების მიმწოდებელი — არამედ, სრულფასოვანი ტექნოლოგიური პლატფორმაა, რომელიც სრულად აკმაყოფილებს თანამედროვე ჰოსპიტალიტეტი ინდუსტრიის ძირითად მოთხოვნებს. ALE ეკოსისტემა აერთიანებს მაღალი წარმადობის Wi-Fi ინფრასტრუქტურას, OmniPCX Enterprise-ზე დაფუძნებულ კორპორატიულ ტელეფონიას, ქსელურ მოწყობილობებს და ცენტრალიზებულ მართვას OmniVista პლატფორმის მეშვეობით. ეს მიდგომა ქმნის ერთიან ციფრულ სივრცეს — სტუმრების კომუნიკაციებიდან და PMS-თან ინტეგრაციიდან დაწყებული, შიდა კომუნიკაციებითა და ქსელური ანალიტიკით დასრულებული. შედეგად, სასტუმრო იღებს საიმედო, მასშტაბირებად და უსაფრთხო ტექნოლოგიურ საფუძველს თანამედროვე სერვისების განვითარებისა და მომსახურების ხარისხის გასაუმჯობესებლად.

Read more

კორპორატიული ტელეფონიის განახლება: გადასვლა Alcatel-Lucent Enterprise OmniPCX Enterprise-ზე (OXE)

ტელეფონიის მოდერნიზაციის პროექტის ფარგლებში მოძველებული Avaya Aura სისტემა სრულად ჩანაცვლდა თანამედროვე ტელეკომუნიკაციური პლატფორმით Alcatel OmniPCX Enterprise (OXE) — Alcatel-Lucent Enterprise-ის ფლაგმანური გადაწყვეტილებით. აღჭურვილობის სრული ჩანაცვლება განხორციელდა ისე, რომ არ შეფერხებულა არც სტუმრების და არც ადმინისტრაციული პერსონალის მომსახურება.

Alcatel OmniPCX Enterprise (OXE)-მ სასტუმრო უზრუნველყო:

• კომუნიკაციების მაღალი სტაბილურობითა და საიმედოობით;
• მომავალი საჭიროებებისადმი მასშტაბირებადობით;
• სასტუმროს სერვისებთან მოქნილი ინტეგრაციით.

ამასთან ერთად განახლდა ნომრებში არსებული ტელეფონებიც, რამაც გაზარდა სტუმრების კომფორტი და ხმოვანი მომსახურების ხარისხი.

ინტეგრაცია Opera Fidelio PMS-თან TigerTMS-ის მეშვეობით

პროექტის ერთ-ერთი მნიშვნელოვანი ნაწილი, რომელიც შიდა ოპერაციული პროცესების ეფექტიანობის გაზრდას ისახავდა მიზნად, იყო TigerTMS  პლატფორმის დანერგვა. ეს პლატფორმა უზრუნველყოფს სასტუმროს სატელეფონო სისტემასა და Opera Fidelio სასტუმროს მართვის სისტემას შორის მონაცემთა სწორ გაცვლას.

ინტეგრაციის ფარგლებში განხორციელდა:

• ნომრების სტატუსების ავტომატური გადაცემა;
• დეტალური სტატისტიკისა და ბილინგის გენერირება.

სატელეფონო სისტემის Opera Fidelio-სთან ინტეგრაციამ მნიშვნელოვნად დააჩქარა პერსონალის სამუშაო პროცესები და გაზარდა შიდა ოპერაციების სიზუსტე.

Wi-Fi ქსელის განახლება: გადასვლა Alcatel OmniAccess Stellar Wi-Fi 6-ზე

Wi-Fi ნებისმიერი სასტუმროს განუყოფელი ნაწილია და სტუმრების მომსახურების ხარისხის ერთ-ერთი მთავარი ფაქტორი. კომპანიამ სრულად განაახლა Wi-Fi ქსელის აღჭურვილობა, მოძველებული Aruba წვდომის წერტილების ნაცვლად დანერგა ინოვაციური Alcatel OmniAccess Stellar წვდომის წერტილები, რომლთაც აქვთ მაღალსიჩქარიანი Wi-Fi 6 ტექნოლოგიის მხარდაჭერა.

უახლესი Wi-Fi ქსელის დანერგვის ფარგლებში განხორციელდა:

• ახალი რადიოსიხშირული (RF) დაგეგმარება შენობის არქიტექტურის გათვალისწინებით;
• დაფარვისა და გამტარიანობის ოპტიმიზაცია;
• ცენტრალიზებული მართვის, კონფიგურაციის, მონიტორინგისა და ანალიტიკისთვის Alcatel OmniVista პლატფორმაზე გადასვლა.

მოდერნიზაციის შედეგად სტუმრებმა მიიღეს საიმედო, სწრაფი და სტაბილური ინტერნეტკავშირი ნომრებში, ლობში, საკონფერენციო სივრცეებსა და სასტუმროს სხვა საერთო ზონებში.

Read more

კომენტარი The Biltmore Tbilisi-ს წარმომადგენლისგან

„ჩვენმა სასტუმრომ წარმატებით დაასრულა ტექნოლოგიური ინფრასტრუქტურის მნიშვნელოვანი განახლება, რომლის მიზანი იყო სასტუმროს ნომრებში კავშირის გაუმჯობესება და ძირითადი საკომუნიკაციო სისტემების მოდერნიზაცია. პროექტის ერთ-ერთი მთავარი ნაწილი იყო ახალი, მაღალი წარმადობის Wi-Fi ინფრასტრუქტურის დანერგვა სასტუმროს ყველა ზონაში Alcatel-Lucent Enterprise (ALE) გადაწყვეტილებების გამოყენებით. ამასთან ერთად, ჩვენ გადავედით მოძველებული PBX სისტემიდან ახალ Alcatel PBX პლატფორმაზე, რამაც მნიშვნელოვნად გაზარდა სასტუმროს შიდა კომუნიკაციების საიმედოობა. ეს განახლებები კიდევ ერთხელ უსვამს ხაზს ჩვენს ერთგულებას თანამედროვე, უწყვეტ და სტუმარზე ორიენტირებულ ციფრულ გამოცდილებაზე.

Wi-Fi განახლებისას ძირითადი ყურადღება დაეთმო სტუმრების ნომრებს, რადგან სწორედ აქ არის ყველაზე მნიშვნელოვანი სტაბილური და ძლიერი დაფარვა. განხორციელდა შემდეგი სამუშაოები:

• ყველა სტუმრის ზონაში დამონტაჟდა ახალი Alcatel წვდომის წერტილები, რომლებიც უზრუნველყოფს ერთდროულად, მრავალი მოწყობილობის მიერთების საშუალებას;
• დამუშავდა რადიოსიხშირული დაგეგმარება და დაზუსტდა დაფარვა ნომრებში, დერეფნებსა და ყველა სართულზე;
• მთელი სისტემა დაუკავშირდა Alcatel OmniVista-ს, რამაც გაამარტივა მონიტორინგი და დააჩქარა პრობლემების აღმოფხვრის დრო;
• გამტარობის განაწილება ისე დაკონფიგურდა, რომ ქსელი სტაბილური დარჩეს დილისა და საღამოს პიკურ საათებშიც.

ინტერნეტის ხარისხი საგრძნობლად გაუმჯობესდა — კავშირი გახდა უფრო სტაბილური, სიჩქარე გაიზარდა, ხოლო ვიდეოზარები, დისტანციური მუშაობა და სტრიმინგი ახლა შეფერხებების გარეშე ხორციელდება. ადრე არსებული სუსტი ან არასტაბილური სიგნალის მქონე ზონები სრულად დაიფარა, და სტუმრები სწრაფად ამჩნევენ განსხვავებას.

სისტემა ასევე მხარს უჭერს ერთდროულად უფრო მეტი მოწყობილობის მუშაობას, რაც განსაკუთრებით მნიშვნელოვანია, რადგან დღეს სტუმრები ერთდროულად რამოდენიმე ტელეფონს, ლეპტოპსა და ტაბლეტს იყენებენ. IT პერსპექტივიდან, OmniVista მნიშვნელოვნად ამარტივებს მონიტორინგს, უზრუნველყოფს სწრაფ შეტყობინებებს და პრობლემების მოგვარების ოპერატიულობას. ახალი ინფრასტრუქტურა მზად არის მომავალი განახლებებისთვის, სერიოზული აპარატურული ცვლილებების გარეშე.

პროექტის ფარგლებში ასევე ჩავანაცვლეთ ძველი Avaya Aura PBX სისტემა Alcatel OmniPCX Enterprise (OXE)-ის უახლესი ვერსიით. განახლებამ მნიშვნელოვნად გააუმჯობესა ზარების ხარისხი, ხოლო შიდა კომუნიკაცია გახდა უფრო საიმედო და მარტივად მართვადი.

საერთო ჯამში, მიღებული შედეგებით ძალიან კმაყოფილები ვართ. ახალი Wi-Fi სისტემა აუმჯობესებს სტუმრების ციფრულ გამოცდილებას, ხოლო PBX-ის ჩანაცვლებამ დადებითი გავლენა მოახდინა ყოველდღიურ ოპერაციებზე. ამ ცვლილებებმა მნიშვნელოვნად გააძლიერა ჩვენი ტექნოლოგიური ინფრასტრუქტურა და დაგვეხმარა სასტუმრო ინდუსტრიის უახლესი სტანდარტების შესაბამისობაში.“

Director of I.T.
The Biltmore Hotel

პროექტის შედეგები

InfoTel Group-ის კომპლექსური მიდგომის შედეგად, სასტუმრო The Biltmore Tbilisi-ს ახლა გააჩნია თანამედროვე ციფრული ინფრასტრუქტურა, რომელიც შეესაბამება საერთაშორისო სტანდარტებს:

• გაუმჯობესებული სტუმრების გამოცდილება და მომსახურების მაღალი დონე;
• სტაბილური და უსაფრთხო შიდა კომუნიკაციები;
• Wi-Fi-სა და ტელეფონიის ეფექტური მართვა ერთიანი პლატფორმის მეშვეობით;
• ტექნოლოგიური ბაზა სასტუმროს მომავალი განვითარებისათვის.

InfoTel Group — საიმედო ინტეგრატორი ბიზნესისთვის

InfoTel Group-ს აქვს დიდი გამოცდილება ჰოსპიტალიტეტის ინდუსტრიაში კომპლექსური IT გადაწყვეტილებების დანერგვაში და აგრძელებს თანამედროვე სასტუმრო ტექნოლოგიების დანერგვას სასტუმროებში, სხვადასხვა ქვეყნებში, სთავაზობს როგორც მომხმარებლებს, ისე პერსონალს თანამედროვე და მოქნილ გადაწყვეტილებებს, რაც ზრდის ინფრასტრუქტურის ფასეულობას და უზრუნველყოფს სტაბილურობას მრავალი წლის განმავლობაში.

InfoTel Group-ის გუნდი მზად არის დაგეხმაროთ კონსულტაციით და ოპტიმალური IT გადაწყვეტილებების შერჩევით — ინფრასტრუქტურის აუდიტიდან დაწყებული, პროექტის სრულ რეალიზაციამდე.

Send a request